Rugby 7

第一次睇rugby 7其實都幾好睇，７分鐘內組織進攻，傳波再組織進攻，個個進撃的巨人咁款埋身肉搏，防守嗰個唔係欖頭就欖腳，進攻嗰個又反身又打關抖務求脫身或將個波交比隊友。如果用籃球或足球角度嗰種身體碰撞已經全部foul out唔洗玩，分分鐘終身停賽。真係痴晒條電線。
我最諗唔明係咁打發無人爆缸，咬柴，內傷，腦震盪之類， 爭完波即刻起身再跑當無件事。籃球足球嗰Ｄ成Ｑ日話骨折，十字韌帶撕裂，乜乜乜筋斷咗。學下人啦個個戰狼300咁開完tor乜事都無，正明籃球足球嗰Ｄ個個唔係專業演員係乜。但係真係堅，嗰種目標堅定絕處逢生既精神我今次真係體會到，津巴布韋球員足足矮過俄羅斯西班牙Ｄ球員成節，腳又短過人但又篇篇跑得快過你，最後贏咗西班牙再贏埋俄羅斯入final， 真係吹脹。其實呢4個月不斷反思，最最最失敗係沒有目標堅定絕處逢生既精神，目光要放大Ｄ，仲要身體力行開心面對每天既挑戰！今年冠軍雖然係斐濟，但津巴布韋都唔差呀，起碼有多一個人認識你，加油！

最佳男主角

你估仲係18 22咩， 中五嗰陣唱k唱天光等放榜，或者大學嗰時打牌打天光再飲埋個茶都仲得。依家叫我12點後訓都理韮菜佢，轉個頭就訓咗。今晚要做通宵由９點到第二朝６點無他既都係揾食姐！無見卄幾年既小學同學第一次見返竟然係知我無野do介紹份拍戲做場務既工比我，真係唔話得。

一場飛車戲請4，50個場務幫手清場，當中有一半係大學生，其餘就是一些40多歲的中佬。有的開車，有的拍戲老散，當然很少我呢Ｄ正值壯年但又失業咁９唔搭８。但真係有無九兩菜啊 ，現今社會係唔係真係咁鬼難撈，嗰晚係weekday，唔係真係無野do都得鬼閒同佢din，但係又真係好多人為兩餐唔訓都要做，究竟做人做到咁為乜呢？究竟仲有幾多人有諗過自己係唔係中意咁做？究竟又有幾多人想走又走唔出呢個殘酷既困局呢？我自己都好心寒自己既將來...

地鐵閂門記

曾幾何時搭地鐵邊到會有乜Ｑ安全大使係咁叫你企埋d，就算係繁忙時間幾逼都好，大家都會諗辦法擠Ｄ位出來。 唔知係唔係大家生活好左食到唔想郁，又或者睇得太多黃秋生配音嗰個廣告大家都 "企定定係到乜都唔想做" ， 次次閂門都大能把爭拗。 原本諗住hea做既安全大使而家真係越來越難做。

 

今日我搭地鐵都唔係繁忙時間已經好多人，安全大使係咁講企埋d不特止，仲要語重心長好似阿媽教仔咁話好快就到嫁啦， 當個門就閂既時候佢用一個低沉又帶磁性既聲線話 "捱埋佢" 。當是我聽到真係想喊出來，大佬呀坐個地鐵姐好似等行刑咁，我知搵食艱難，但冇諗過搭地鐵都咁慘囉。