地鐵閂門記

曾幾何時搭地鐵邊到會有乜Ｑ安全大使係咁叫你企埋d，就算係繁忙時間幾逼都好，大家都會諗辦法擠Ｄ位出來。 唔知係唔係大家生活好左食到唔想郁，又或者睇得太多黃秋生配音嗰個廣告大家都 "企定定係到乜都唔想做" ， 次次閂門都大能把爭拗。 原本諗住hea做既安全大使而家真係越來越難做。

 

今日我搭地鐵都唔係繁忙時間已經好多人，安全大使係咁講企埋d不特止，仲要語重心長好似阿媽教仔咁話好快就到嫁啦， 當個門就閂既時候佢用一個低沉又帶磁性既聲線話 "捱埋佢" 。當是我聽到真係想喊出來，大佬呀坐個地鐵姐好似等行刑咁，我知搵食艱難，但冇諗過搭地鐵都咁慘囉。